O Vagón (T2): O Vagón, con Ana Pontón

A protagonista deste novo episodio do Vagón tomou un tempo para reflexionar moito antes de que o fixera Pedro Sánchez. Colleu o BNG nun dos peores momentos da súa historia e en menos de dez anos levouno a converterse na primeira forza de esquerdas deste país. Di que o feito de ser muller tivo moito peso en aceptar a responsabilidade de ser a portavoz nacional do Bloque Nacionalista Galeego (BNG) e hoxe segue pensando en converterse na primeira presidenta da Xunta. Quen llo ía dicir a aquela rapaza que lle dixo aos seus pais que estaba na casa dunha amiga para fugarse por primeira vez a Compostela nun 25 de xullo. Ana Pontón protagoniza o 8º capítulo do programa de videopodcast #OVagón que presenta o xornalista Luís Pardo e produce e realiza Nós Televisión, gravado no interior dun tren na Estación de Vedra.