O que somos, nun casete

As gravacións nas casas das persoas maiores, as conversas, as cancións, os refráns. Nesta reportaxe, o equipo de Nós Televisión aborda a importancia de coñecer e conservar o patrimonio oral da identidade galega. Foi o que fixeron Dorothé Schubart e Antón Santamarina co Cancioneiro Popular Galego, cuxos casetes e libretas de campo están accesibles no Arquivo do Patrimonio Oral da Identidade, no Museo do Pobo Galego. Do material alí arquivado teñen xurdido investigacións e novas creacións culturais, coma o documental "Dorothé na Vila", de Olaia Tubío e Alejandro Gándara.