Nós Música (T2): Música na Almáciga, con 9Louro e QueenRendi

9Louro, o nome artístico de Martín Louro, un dos máximos referentes do trap, pop e electrónica en galego chega á Música na Almáciga de Nós Televisión. O artista, nado en Louro no 2004, comezou a coller sona co álbum de debut Nove noves (2024) seguido do EP Amor e Outras Drogas (2025) e Amorrer (2026) do que se atopa en plena xira. Neste último traballo podémolo ver con colaboracións con Ortiga, Dirty Suc ou The Rapants, banda na que atopamos ao seu irmán Xanma Louro. Neste Música na Almáciga, a xornalista cultural Xiana Arias tamén recibe a Queen Rendi, cantante e compositora galega de música urbana que destaca pola súa fusión de trap, rap, ritmos latinos e música electrónica. Música na Almáciga está gravado no Centro Xove de Creación Cultural que o Concello de Santiago ten na Almáciga, un lugar polo que pasan ducias de bandas para ensaiar, residir, intercambiar experiencias e aprender, co apoio do persoal técnico que atende o centro municipal.